بسم الله الرحمن الرحيم
بــــــأي ذنــــب قــــتـلت
صدق الله العظيم
1-خالد سعيد 2- سيد بلال 3- مينا دانيال 4- عصام عطا 5 - معتز سليمان
ظباط الشرطة امن الدولة الجيش ظباط السجن ظباط الشرطة
1- شاب زى اى شاب يعمل مشكلة مع امناء شرطة يتعذب عل ايد الشرطة ويتضرب لحد ما يموت وطبيب شرعي يزور سبب الوفاة وظابط يكتب محضر كذب وقاضي يحكم حكم غير عادل
والنتيجة ..... ام مقهورة على حق ابنها
2 - واحد كل مشكلته انه متدين وظهر مرة فى مظاهرة فى اسكندرية يتقبض عليه فى حادث تفجير كنيسة امن الدولة تفضل تعذب فيه يموت من كتر التعذيب ونكتشف انه اصلا كان برىء ( وحبيب الكلبى ) هو المجرم
والنتيجة .. طفلة مكملتش سنة متعرفش شكل ابوها ايه
3- شاب بشوفه من اول يوم فى الثورة كان كل حلمه يشوف بلده بتتغير وبيطلع فى اى مظاهرةوبيعتصم فى اى اعتصام ضد النظام الفاسد ميدان التحرير كان بيته وزي اى حد غيور على دينه يطلع يحتج على حرق كنيسة فى مظاهرة سلمية يتضرب بالنار ويموت على ايد الجيش
والنتيجة ... امه هتموت عليه وعلى شبابهونفسها تاخد حقه
4- شاب واقف فى الشارع معدي من جنب خناقة نزلت الشرطة العسكرية اخدت عاطل فى باطل كالعادة اتقبض على الشاب المظلوم وخد كمان سنتين حكم وفى السجن كلم امه قالها انه بيتعذب الظابط عرف ان معاه شريحة موبايل اخده عذبه حطله خرطوم المية فى فمه ومؤخرته واتهموه انه معاه مخدرات ولما مكانش معاه مخدرات عذبوه شربوه مسحوق عشان يرجع سمموه نزف دم ومات
والنتيجة.... بنت مكملتش باردو سنتين واهل ميعرفوش ايه ذنب ابنهم
5- شاب يتضرب بالرصاص عشان خلاف بينه وبين ظابط فا يجري وراه عربيتين شرطة ويضربوه بالنار يقتلوه ويمشوا
والنتتيجة ... الداخلية زى ما هى .........والحربية بلطجية
وزيهم كتير نعرفهم ومنعرفهمش وكلهم على ايد نظام حقير وفاسد ومنظومة فاشلة تربويا
ليه الظلم عندنا كدة سهل ... ليه شبابنا ملهوش تمن ... ليه تعاملنى وحش وانا بنى ادم زيي زيك .... ليه نزعوا من قلبك الرحمة وخلوك تقتلنى... وليه يا مصر انا دمى رخيص ... وليه يا مصر اللى ماسكك خسيس ؟؟؟؟
متقوليش عشان بحب بلدى يبقى اموت بالنار ولا عشان متدين يبقى تعذبني وتقتلنى ولا عشان محبوس يبقى حقك تعذبني وتستعبدني ولا عشان عارف حقى تضربني وتلفقلى قضايا ...
طيب ليه عمالين نقول كلنا خالد وكلنا مينا وكلنا سيد بلال وفى الحقيقة كلنا كلاب شايفين الظلم وساكتين عليه
عمالين نروح واحد ورا التانى وباردو ساكتين
طيب ولحد امتى يا مصريين .. امتى تنزلوا تشيلوا نظام فاسد ضحك عليكوا واستحل دمكوا ؟؟؟؟؟
امتى هتنزلوا تغيروا الظلم اللى عم عليكوا وعلى وللادكوا واخواتكوا واهاليكوا ؟؟؟؟
امتى هتحط نفسك مكان اخو او ابو او اخت او ام واحد اتعذب ومات على ايد كلب ميسواش جزمة لابسها ؟؟؟
ياتري عاجبكوا حالكوا وانتوا كدة ؟
ياترى هتفضلوا ساكتين ؟
ياتري لسة باردو شايفين الانتخابات اولا والدستور اولا والرئيس اولا ؟
خليكوا نايمين العسكر لو فضلوا ماسكين البلد .. احنا بعد كدة هنتعذب ونتقتل فى بيوتنا ومش بعيد يعتدوا على حريمنا !!!
مهو اللى يعذب ويقتل بالطريقة دى سهل يعتدى على ست او بنت او حتى راجل عجوز
انا مقدرش اقول غير ان الساكت عن الحق شيطان اخرس
وكل يوم الدم فى رقبتنا بيزيد والحمل بيتقل وهنتحاسب علي شباب زي الورد صحي بنفسه عشان الظلم ينتهى وعشان مصر تبقى احسن
يانجيب حقهم .... يا نموت زيهم
يــــــــــــــــــــــــــــــــــــــــــــارب
يا رب اللهم عليك بمن ظلمني اللهم اسقم جسده، وانقص أجله، وخيّب أمله، وأزل ظلمه، واجعل شغله في بدنه، ولا تفكّه من حزنه، وصيّر كيده في ضلال، وأمره إلى زوال، ونعمته إلى انتقال، وجدّه في سفال، وسلطانه في اضمحلال، وعافيته إلى شر مآل، وأمِتْه بغيظه إذا أمتّه، وأبقه لحزنه إن أبقيته، وقني شرّه وهمزه ولمزه، وسطوته وعداوته، فإنّك أشدّ بأساً وأشدّ تنكيلاً
اللهم ادخلهم جناتك امين
ليست هناك تعليقات:
إرسال تعليق