طبق الصداقة

مين فينا ملوش اصحاب ؟ .... اكيد مفيش

لان الواحد دايما ميقدرش يعيش منغير صديق ... يحكيله يلجأله وقت الشدة ... يخرج معاه ويقضي وقت كويس ... يسئله على حاجة لما يكون محتار ومش لاقى حل .. ياخد بايده لما يكون فى مشكلة

بس فى وسائل لانتشار الصداقات وانواع للاصدقاء

• وسائل انتشار الصداقات 

هناك صداقة الطفوله ...وصداقة المدرسه
وصداقة الحاره ...وصداقة العمل ... وصداقة المصلحه ...وصداقة
التشات والانترنت ... هل تمثل كل تلك الصداقات ... صداقه حقيقيه
وهل يوجد فى زمننا صداقه حقيقيه؟؟؟

• انواع الاصدقاء
  

1. صديق ينتشلك من ضياعك ويأتي بك إلي الحياه وينمنحك شهاده ميلاد جديده
2. وصديق يهدمك ويهد بنيانك القوي ويكسر حصونك المنيعه ويشعل النيران في حياتك
3. وصديق يسعدك يشعرك وجوده بالراحه يستقبلك بأبتسامه ويشتري لك لحظات الفرح ويسعى جاهداً إلي اختراع سعادتك
4. وصديق يحسدك ويتمنى زوال نعمتك ويحصي عليك ضحكاتك ويسهر يعد ايام افراحك ويمتلئ قلبه بالحقد والكراهيه
5. وصديق يسترك يشعرك وجوده بالامان يمد لك ذراعيه يفتح لك قلبه ويجوع كي يطعمك ويظمأ كي يسقيك ويقتطع من نفسه كي يغطيك
6. وصديق يقتلك يبث سمومه فيك يقودك إلى مُدن الضياع يجردك من انسانيتك ويزين لك الهاويه ويجردك الى طريق الندم ويقذف بك من حيث لاعوده ولا رجوع

  انا طبعا مش عارف اكتب ايه فى الموضوع دة بس فى حاجات كتير الواحد مش فاهمها .. يعني انت لما بتعرف حد تلاقيه جميل وكويس وتبدأوا تتقابلوا وتكلموا بعض وتخرجوا مع بعض وتحكوا لبعض ومبتديش خوانة فى اى حاجة وفى اول موقف يحصل بينكوا يبيعك بيعة وحشة جدا ... ليه ؟ 

هل لانك لما جيت تختاره ما اخدتش بالك انه مش صديق ولا انت عملت حاجة وحشة خلته يقلب عليك ..؟ 

بس فى نفس الوقت حتى لو عملت حاجة وحشة فى صديقك لازم يبلعلك ويحاول يصلحها فيك والا مكانوش قالوا اللى قبلنا (صاحب صاحبك على عيبه ) ..

والمقصود من المقوله دى مش انى اصاحبه على عيبه وافضل شايل قرفه .. لكن المفروض اقومه واحاول انى اصلح عيوبه لانه صاحبي اكيد هجيب نتيجة معاه لو انا صاحبه زى ما هو صاحبي وشايلين لبعض نفس الاحترام والشعور الطيب بالاخوة او بالصداقة .

طيب ولما تقع فى واحد تفتكره صاحبك ويعمل حاجة غلط فا تحاول تقومها فيه فا يقوم يتكلم عليك ويشتمك ويقل فى ادبه .. تعملله ايه ؟

طيب ولو لقيت اصحابك واصحابه فى نفس الوقت بدأوا ياخدوا منك موقف عشان هو زعلان وهما مسمعوش غير من طرف واحد .. 

طيب ولو لقيت ناس واقفين جنبك ومتضايقين من قلة ادبه وبعد كدة اخدوا موقف معادى بسبب حاجة تانية وانضموا ليه بكل بساطة ضدك ..

يبقى هنا فى حاجتين لازم تفكر فيهم ...

1- اما العلاقة بيهم كلهم مكانتش صداقة ودة امر وارد جدا لان الصداقة مبتجيش بيومين ولا شهرين ولا حتى سنتين (مع العلم انها ممكن تيجي فى ثانية ) 

2- اما انت فيك حاجة غلط ( ممكن تكون بتعمل حاجة غلط تزعل منك الناس ) او (ممكن تكون انت اصلا غلط فى اختيارك ليهم كاصدقاء ) 

فى كل الحالات الغلط بيصب عندك لان انت السبب فى كل دة 

يقول مصطفى صادق الرفاعى ... الصديق الحقيقى: هو
الذى غاب اذا غاب عنك احسست انك قد فقدت جزءا من
جسدك ... واذا عاد احسست ذلك الجزء قد عاد اليك

لو دورنا عن معنى كلمة صديق بالحروف هنلاقى التالى 

الصاد: صدق فى التعامل ...صدق فى الشعور
صدق فى المحبه ...صدق فى النصح صدق فى الارشاد
صدق فى الدلاله على الخير ...صدق فى التضحيه ...صدق
فى التفانى...صدق فى الوفاء ... صدق فى الاخلاص ...صدق
فى الصدق
الدال:دمح للخطأ والزلات ... ودمع يسكب عند الفراق والوداع
الالف : ارتياح لوجوده ... واشتياق لغيابه
القاف: قمة العطاء... قمة الوفاء ... قمة الايثار
التاء : الصداقه الحقيقيه ...تصمد...تستمر ... تدوم.. تتوغل
اذا قامت على الصدق والثقه

 المقولات فى الصداقة كتير اخترت منها كام واحدة لانى مش قادر اكتب فى الموضوع دة اكتر من كدة ..

* أن يطعنك أحدهم في ظهرك أمر طبيعي ... لكن أن تلتفت و تجده أقرب الناس إليك !!! فهذه هي الكارثة

* من المؤسف حقاً أن تبحث عن الصدق ... في عصر الخيانة و تبحث عن الحب ... في قلوب جبانة
* أكثر الناس حقارة هو ذلك الذي يعطيك ظهره و أنت في أمس الحاجة إلى قبضة يده ... 

* الوفاء عملة نادرة و القلوب هي المصارف و قليلة هي المصارف التي تتعامل بهذا النوع من العملات !!! 

* كلب صديق .. خير من صديق كلب ..

كم من صديق باللسان وحينما ****** تحتاجه قد لايقوم بـــــواجب
ان جئت تطلب منــــــه عونا لم تجد ****** الا اعتذار بعد رفع الـحواجب
تتعثر الكلمـــــــــــات في شفتيه ****** والنظرات في زيغ لأفق ذاهـــب
يخفي ابتسامته كــــــــ ــأنك جئته****** بمصائب يرمينه بمـــــــصائب
والصحب حولك يظهرون بـــــــــأنهم ****** الأوفياء لأجل نيل مـــــــآرب
واذا اضطررت اليهمو او ضـــــــاقت ****** الأيام مالك في الورى من صاحب
جرب صديقك قبل أن تحتــــــــــاجه ******ان الصديق يكون بعد تجــــارب
أما صداقات اللسان فــــــــــانها ******مثل السراب ومثل حلم كـــــاذب

ان كان لديك في هذاالزمان صديق وفي واحد فأعلم أنك من أثرياء العالم

واخيرا : من السهل ان تجد في السنه ألف صديق ولكن من الصعب ان تجد لألف سنه صديق