طبـــق العســـكر ( الجزء الاول )

 طبق العسكر صعب يتاكل (مر) ولو اتاكل مبيتبلعش(خشن ) ولو اتبلع مبيتهضمش (زى السم) بس ياعيني  المصري بيهضم .....

يا اهالينا ضموا علينا ... حكم العسكر هيصفينا

خلاص كدة مبقاش فى جهة فى مصر هتجيب حق الشهداء يعنى خلاص ؟ 

الجيش ....... والشرطة ......... والقضاء ......... ايد واحدة ....... ضد ارادة الشعب ؟ 

طيب وهنسيب السجادة بتتسحب من تحت رجلينا لحد ما تنتهى اى امال الناس حلمت بيها وكان نفسها فى التغيير؟

ياترى كدة الثوار ايه رايهم اللى سابوا الميدان كل جمعة والوقفات الاحتجاجية لبعض الناس اللى لسة عندها احساس بالقصاص مع الكثير من الناس اللى فاكرة مصر قطعة لحمة وعمالين يقطعوا فيها ؟ 

واضح ان مصر كدة ملهاش خلاص من الناس معدومة الضمير والاحساس اللى لو واحد فيهم اتخبطلوا عيل بعربية كان لغى العربيات من الشارع

انا بس عاوز اعرف لو علاء ولا جمال كان حصلهم اى حاجة فى ماتش من الماتشات كان هيحصل ايه ؟.. طاب ولما يكون الشرطة المصرية قتلت شباب مصر يحصل ايه؟

يعنى فى الاخر باردو هنكمل القضية ولا شكلها كدة مش مبشر باى شىء يعنى كل واحد يخليه فى نفسه ومصر بقى ربنا يتولاها والشهداء عند ربنا

طيب يا جماعة اللى بيحصل بقى كتير اوى على هقل يستحمله يعنى مفيش انسان لوحدة يقدر يفكر فى كل دة ويلا كدة نتابع مع بعض...

1-شرطة بتضرب نار ع الشعب بدون وجه حق ولا كاننا فى اسرائيل مع اننا كنا بنقول سلمية سلمية

2- جيش نازل يحمى الشعب والناس تقول الجيش والشعب ايد واحدة واللى تفتكره موسى يطلع فرعون

3- طيارات اف 16 المقصود منها كسر حاجز الصوت يعنى الناس اللى فى الميدان تنطرش وتحبط العملية فى اخر لحظة بامر احد القادة العسكريين

4- بلطجية بتهرب من السجون وتهجم على البيوت واللى مهربهم حراس السجون نفسهم منعرفش لصالح مين

5 - الرئيس المخلوع يطلع يلعب بعواطف الناس وتانى يوم يبعت بلطجية عشان يقتلوا الناس فى التحرير وبامر للكلاب بتوع الحزب الوطنى

6 - المجلس العسكرى يلعب باعصاب الناس ويقولك انعقاد المجلس بدون القائد الاعلى اللى هو زفت الريس وبعد كدة يطلع فى خطاب يقولك اناقاعد على قلبكم

7- الناس تروح عند القصر ويزيد احتقانها يروحوا مهربينه ويطلع عمر سليمان وهو عينه بتدمع يقولك قرر التخلى عن المنصب

8 - المجلس الاعلى يصدر بيان رقم 5 عشان الناس تمشى من الميدان ويقولك احنا هننفذ كل مطالب الشعب والناس فعلا تمشى عشان نبقى احنا بنسمع الكلام ( جبناه لنفسنا )

9- المجلس يصر على وجود وزارة شفيق والمحافظين مع ان اسقاط النظام بيعنى اسقاطه بالكامل

10 - الناس اللى كان عندها طاقة خرجتها خلاص وتبقى الناس اللى عندهم شهداء او الثوار الحقيقين اللى مش عاوزين غير مصلحة مصر وبدء اعتصام فبراير

11- بدء الكلام عن عجلة الانتاج وان الثوار اللى فى الميدان ناس مبتخافش على مصلحة مصر و اول يوم اعتصام يبان الوش الحقيقى للجيش وتتم الاعتقالات

12- سلخانة المتحف هذا ما اطلقه الثوارعلى المتحف المصرى بعد ما رأوه من تعذيب وكهرباء وضرب وظلم من ظباط الجيش والمجلس ينزل بيان اعتزارتانى يوم

13 - يستمر الاعتصام لحد ما ييجى عصام شرف ويقول بستمد شرعيتى من الميدان وبعد ما يمشى يتفض الاعتصام بالبطجية والشرطة العسكرية 9 مارس الشهيرة

14- احكام عسكرية بالسجن لكل الثوار ولاد الناس المحترمين المتعلمين بالسجن من 3 ل 15 سنة والجيش ينزل بيان يقول ما اعتقلناش حد من الثوار

15- الناس ملهية فى المعتقلين فجأة تعديل دستورى على يد الجيش والاخوان واستفتاء وتزوير ولعب بعقليات الناس باسم الدين ويقولك الشعب اختار

16- اعلان دستورى حوالى 60 مادة البلد تمشى بيهم ونكتشف ان التعديلات جاهزة من يوم 9 فبراير والاعلان الدستوري صادر من يوم 13 فبراير ومحدش فاهم

17- الناس تتشتت ما بين احزاب وحركات واخوان وسلفيين ونبتدى نلعب فى الفتنة الطائفية وبيانات المجلس العسكرى شغالة زى الفل وكل الاحداث مع بعضها

18- يتم نشرصفحات ع الفيس بوك عن ظباط شرفاءفى الجيش والشرطة بيقولوامتضامنين مع الشعب وينزلوا يعتصموا والجيش قال ينزل يقبض عليهم ويفض الاعتصام

19- الظباط الشرفاء فى مصر 28 ظابط جايين يعتصموا ضد الحكم الظالم والثوار دمهم حامى نقف نحميهم عشان ميبقوش لوحدهم دول قلبهم ع البلد

20- الجيش ينزل بكتائب كاملة من 777 والصاعقة والشرطة العسكرية والمظلات واول ظهور للامن المركز وعدد غريب من المصفحات ولا كاننا فى سيناء بنحارب

21- يبتدى ضرب نارهيستيرى ويتقبض على الظباط واللى مات مات واللى اختفى اختفى وقنابل مسيلة للدموع الحمد لله( كانت وحشانى)  وضرب واهانة كل المعتصمين

22- هما قالو انهم جايين يفضوا اعتصام الظباط طاب ليه كانوا بيجروا ورا المدنيين بعد القبض ع الظباط وبيضربوهم برصاص حى

23- يتم فض الاعتصام للحظات وتيجى عربيات حديد وسلك شائك قال بقفلوا الصينية عشان محدش يعتصم فيها تانى وفجأة تطلع زجاجات مولتوف والجيش يجرى

24- تم بحمد الله غلق الميدان بعد ما الجيش جرى بكل القوات دى ادام عدد من المدنيين اقل من عدد العساكر المسلحين سبحان الله وابتدى الاعتصام

25- الناس فى الشارع بتهاجمنا عشان موقفين الشغل وعجلة الانتاج وتحرشات وبلطجية متعرفش بييجوا منين والجيش سابلنا الدنيا خالص ولا بقى بيتحرك

26- المجلس الموقر يطلع فى التيلفزيون ويقول ان مفيش طلقة واحدة اتضربت ومكانش فى عسكرى معاه رصاصة واحد امال الشنط اللى معانا دى ايه ؟

27- تانى يوم يطلع يقول احناضربنا نار بس كان رصاص فشنك يعنى مبيعملش حاجة امال اللى ماتوا ماتوا من الخضة هتكلم فى الموضوع دة كتير عشان مدايقنى

28- يطلع تالت يوم ويقول تم القبض على ابراهيم كامل اللى مسلط البلطجية يقفلوا الميدان واحنا فعلا ضربنا عليهم نار حى يا سلام ع الصدق

29- بعد3 ايام الجيش يفض الاعتصام بالقوة ويقبض على مدنيين ويقدمهم للمحاكمة العسكرية وبنات يتعملهم كشف عزرية لتانى مرة بعد 9 مارس ويقول بلطجية

30- يلا بقى حسنى طلع فى التليفزيون بصوته ويستفذ المجلس اوى فالنائب العام يقرر التحقيق معاه فى شرم الشيخ ع البحر مهو كان رئيس وقال يحبس ولاده

31- الرئيس يعينى يجيله شلل فى قلبه ويروح المستشفى عشان مقدرش يستحمل الصدمة فى عياله ويقولهم خدونى وسيبوا عيالى وابتدت حملة الاعتقالات

32- سوزان كمان بيتحقق معها والشعب يقول هييييييه دول كانوا مطلعين عنينا وفى الاخر تتنازل عن ثروتها 24 مليون امال فين المليارات يا ولاد الوسخة

33- وابتدت حملة الافراجات وكل اللى كان بيحصل بقى يحصل عكسه والناس اللى اتحبست بقت تسقط من عليهاقضية قضية لحدماهياخدوابراءةودم الشهداء بيغلى

34- نلهى الناس بقى فا نبعت ناس بتدعى السلفية تولع كنيستين فى امبابة والشرطة والجيش واقفين مبيعملوش حاجة والناس بتموت بعض ودة برؤية العين

35- المسيحين معتصمين عشان حقوقهم والاخوان بيلعبوا لعبة قزرة تنسىالناس الثورة ويقولك الزحف على فلسطين احااااااااااااااااااااااااااا

36- نصلى الفجر يوم الجمعة فى كل الميادين والجوامع عشان فلسطين وعشان نخوف اسرائيل اصل صلاة الفجر هتخوفهم فعلا وننسى مصر اللى بتقع مننا

37- مجلس الوزراء يدى كل الصلاحيات والحقوق اللى كانوا عاوزينها المسيحين ويقولهم فضوا الاعتصام نفرج عن المعتقلين وميرضوش يفضوه يبعت بلطجية

38- يقف الامن المركزى اللى بيحمى الاعتصام يتفرج على ضرب النار وحرق العربيات ويقولك اصلنا خايفين نضرب عاطل مع باطل والجيش ييجى بعد 3 ساعات

39- قدامى لواء شرطة عسكرية يقولهم انا مش عارف السلفيين بيعملوا كدة ليه وهما مكانوش سلفيين ولا زفت ييبقى باردو الجيش حلو والله اخد لحسة

40- محدش حاسس ان فى انتخابات مجلس شعب عشان يعملنا دستور زى العيال الصغيرة والوقت بيجرى ومحناش فاهمين حاجة خالص ولاعارفين مين حلو ومين وحش

41- كل مشكلتنا دلوقتى عجلة الانتاج مع العلم ان البورصة بتحقق اعلى معدلاتها من 3 سنين معقولة الكلام دة ؟ امال عجلة ايه اللى واقفة دى

42- الناس اتدايقت من اللى بيحصل وقالتلك هننزل جمعة غضب تانية يوم 7 مايو عشان محسناش بالتغيير ونزلنا وكان يوم جميل بس كالعادة الائتلاف باع

43- قالك الجمعة هتبتدى 1 ظهرا وتنتهى 6 المغرب ومسارح واستهبال ويقولك جمعة غضب تانية الله يخرب بيت الجهل دة احنا ولا اللى فى جنينة

44- الجيش لم يظهر ولا الشرطة ولا اى انسان ذو سلطة سابونا براحتنا قلنا هنتعتصم لقينا اللى بيعتصموا بلطجية مش هما دول الثوار اما الثوار فين ؟

45 - وفشلت جمعة الغضب بس وصلت رسالة حادة اللهجة ان فى ناس لسة صاحية وبتراقب وراكم مع انكم عاملين عبط بس احنا باردو لسة ثوار

46- الناس بقى عندها كسل محدش حاسس انه عاوز يعمل حاجة الثوار جالهم ملل من اللى بيحصل وفجاة نلاقى فيديوهات بتورينا تخاذل الجيش فى موقعة الجمل

47- تحديد يوم 8 يوليو واعتصام مفتوح عشان الدستور اولا وبدأ الناس تانى الى حد ما تتجمع على كلمة واحدة 4 احزاب و36 حركة بتمضى الناس على كدة

48- الجيش لغى (حظر التجول اللا ارادى) اللى كان عامله ونزل الشرطة الشارع عشان يبتدوا يحافظوا ع الامن والامان

49- قالك القبض على حسين سالم فى مدريد دة بعد ما تقبض عليه فى اسرائيل هو الراجل دة كل ما يروح حتة يتقبض عليه ولا ايه ؟

50- حسين سالم مصدقش نفسه فا تعب وجاله شلل فى قلبه زى صاحبه واتحجز فى مستشفى يا حلاوة على نفس السيناريو الهابط الله يلعنكم يا شيخ

الطبق دة كان صغير بس لسة فى اطباق تانى اكبر